Ei Fall
CHF1.90
- Eis Rätsel, ei Schuldigi
- Perfekt für e Zugfahrt
Wer hät's gha? S Schwiizer Logikrätsel
S letscht Bier isch wäg. Ich säg nüüt.
S Schwiizer Logikrätsel. Mit Chääs, Bier und Verdacht. Verdächtigi is Raster setze, Hiwiis im Dialäkt läse, de Schuldig überfüehre. Wer hät's gha?
Tagesrätsel und erschte Fall pro Region gratis. Kei Abo.
So gaats
Vier Schritt bis zum Gständnis.
Kei Glück, kei Rate. Nu Chopf, es Raster und e Hand voll Verdächtigi, wo alli unschuldig tüend.
-
Verdächtigi setze
I jedere Reie und i jedere Spalte staat genau ei Person. Möbel und s läär Ding blockiered es Fäld.
-
Hiwiis läse
Churz, im Dialäkt und mängisch frech. Jede Hiwiis zellt, keine isch z vil.
-
S läär Ding finde
Wer elei mit em lääre Glas, Teller oder Päckli im Ruum gsii isch, häts ghaa.
-
Aaklage!
Liisch richtig, gits es Gständnis. Und s Bäbi lächlet nu.
Grad da probiere
Wer hät de letscht Chääs ghaa?
Am Dorffäscht isch s Chääsplättli plötzlich läär. Nu na Brösmeli und d Rinde. Vier Verdächtigi, kän Gständnis.
So gaats: Zerscht e verdächtigi Person uswähle, dänn es Fäld im Raster. Im Raster chasch mit de Pfiiltaschte navigiere, mit de Taschte 1 bis 4 wählsch e Person. Es Fäld mit ere Person namal aatippe nimmt si wider use.
VERDÄCHTIGI0 vo 4 gsetzt
D Regle
- I jedere Reie und i jedere Spalte staat genau ei Person.
- Möbel und de läär Teller blockiered es Fäld.
- Genau ei Person isch elei mit em lääre Teller im Ruum gsii. Die häts ghaa.
Hiwiis
«Näbet» heisst: grad drüber, drunder, links oder rächts. Erledigti Hiwiis chasch aatippe zum Abhäke.
S BÄBI SEIT
Tipp uf e Person, dänn uf es Fäld. Ich lueg zue.
ERWISCHT!
De Beni hät de letscht Chääs ghaa.
«Ich ha nu probiert! Drüümal. Viermal. Meh nöd.»
6 Regione
Jedi Region hät ihri Macke.
Eigeni Dialäkt, eigeni Rüüm, eigeni Figure. Und überall fählt öppis.
Toggenburg
Wo d Chüe no em Naturjodel zueloset.
Schlorziflade isch Chefsach.
5 FällZüri
Wo s Tram immer rächt hät.
Zwänzg Stutz für en Kafi: normal.
5 FällBärn
Langsam isch ds nöie Schnäu.
Aareschwümme statt pändle.
5 FällBasel
Drey Dääg Fasnacht. Dr Räscht isch Pause.
Läggerli isch Läbesinn.
5 FällWallis
A Bäärg, a Wii, as Raclette.
Raclette isch as Handwäärch.
5 FällTessin
Föif Stund Stau für drüü Täg Dolce Vita.
Merlot gits im Boccalino, nöd im Glas.
5 Fäll
Priise
Ehrlichi Priise. Kei Abo.
Zahl nu, was du würkli spile wotsch. Und was du chaufsch, bhaltsch für immer.
Ganzi Region
CHF6.90
- Alli Fäll vo einere Region
- Dialäkt und Klischees inklusive
Ewig-Pass
CHF29
Alli Regione. Für immer. Sogar für Züri-Lüüt.
- Alli 6 Regione und alli Fäll
- Neui Regione automatisch dezue
- Eimal zahle, für immer bhalte
Priise i CHF. Chauf als In-App-Chauf über App Store oder Google Play.
Euses Verspräche
Fair gspilt. Jedes Mal.
-
Jede Fall hät genau ei Lösig.
Nöd zwei, nöd «ungefähr». Ei Täter, ei Raster, fertig.
-
Ohni Rate lösbar.
Jede Schritt folgt us de Hiwiis. Wer sauber dänkt, chunnt immer zum Ziel.
-
Automatisch prüeft.
Bevor en Fall i d App chunnt, rächnet en Computer alli Möglichkeite dure.
S Bäbi lächlet nu.
FAQ
Fraage? Antworte.
Was choschtet «Wer hät's gha?»?
Lade isch gratis, s Tagesrätsel und der erscht Fall i jedere Region au. Wer meh wott: en Fall CHF 1.90, e ganzi Region CHF 6.90, der Ewig-Pass CHF 29.
Isch das es Abo?
Nei. Eimal zahle, für immer bhalte. Kei Abo, kei Kündigungsfrischt, kei Chrampf.
Mues ich Dialäkt chöne?
Nei. Di ganz App gits au uf Hochdütsch, umschalte chasch jederziit. D Hiwiis sind churz und guet z verstaa. Und wänns emal hanget, gits de Tipp-Chnopf. Chli Bärndütsch oder Baseldytsch lehrsch näbebi trotzdem.
Wie vil Fäll gits?
Zum Start 6 Regione mit je 5 Fäll, also 30 Fäll. Dezue jede Tag es neus Gratis-Tagesrätsel.
Mues ich rate?
Nie. Jede Fall hät genau ei Lösig und isch rein mit Logik lösbar. Das wird bi jedem Fall automatisch prüeft.
Uf welne Händys laufts?
Uf em iPhone (App Store) und uf Android (Google Play). D Systemaaforderige findsch im jewiilige Store.
Was heisst «präsentiert vo» bi es paar Fäll?
Bi es paar Fäll mached lokali Beize, Chäsereie oder Brauereie mit. Dänn gits nach de Lösig mängisch en Gutschiin. S Rätsel bliibt gliich fair. Du häsch e Firma? Da lang.
Los gaats!
Lad d App und lös der erscht Fall gratis. Oder lass dir Bscheid gää, wänn neui Regione chömed.